خلطه المرميه (السلمية) لتكبير الصدر مجربه ونتايجها مضمونه | نصائح
أخر تحديث : الإثنين 1 أبريل 2013 - 2:54 صباحًا

خلطه المرميه (السلمية) لتكبير الصدر مجربه ونتايجها مضمونه

بتاريخ 1 أبريل, 2013 - بقلم souad

بنات انا كنت اعاني من صغر صدري لاني لبست الستيان
من وقت وهاي اكبر مشكله يعني بالمستقبل لو

كبروا بناتكم نصيحه مني لاتخلونهم يلبسون الستيان من صف اول عدادي

لانه هالوقت يكون الجسم ينمو ومشكلتنا نحن نبغي نكبر ونكبر عمرنا نقوم

نتهور ونلبس ستيان ونحن يهال وصدرنا بعدين ما يقدر يتحرك ولايكبر

وهالسبب الي خلى صدري صغير لان امي وكل خواتي اللهم لاحسد

يعني انا غير عنهم المفروض اوث منهم لكن الحمدلله على كل حال

مابطول عليكم انا كنت اعاني وكنت ادور خلطات وجي

المهم لقيت خلطه فادتني وايد والحمدلله تغير صدري

وايد كبر واستوى شكله حلو ومرتب ومنتفخ وعريض اول كان

صغير وكنت متعقده ومن قريت الخلطه وتجارب البنات قلت الحمدلله في امل

والله ماينسى عباده قلت خل اجربها ولو نفعتي بحطها للبنات عسب يستفيدون

وهالخلطه نقلتها من بنت الله يذكرها بالخير

خلطه المرميه

يؤخذ من ورق وزهور القصعين( ميرميه, عيزقان)مقدار ملعقه كبيرة وتنقع في كوب ونصف لمدة أربع ساعات ….ثم تدلك به الثديين وتشرب من هذا الماء على عدة جرعات خلال النهار (( يعني مو واااجد)) ولمدة أسبوع فأنهما ينموان ويكبران بإذن الله

ملاحظه هامه اخواتي::

نبات القصعين له فوووائد وااااااااجد ولكثير من الامراض لكن حذااااري من استخذامه بدون جرعات مذكوره لانه يحمل مواد قويه بداخله
لذلك استخذموه بالجرعه الا كتبتها بدون زياده او نقصان

الجرعه هي كامل
كوب ونصف
نشربين من الكوب ونصف فقط جرعات طوال اليوم في فترات مختلفه
والجرعه يعني زغم واحد بس

اي شربه واحده فقط لاتكثرين من شربه
بين فترة وفتره في النهار شربي منه شربه صغيره
مثلا
شربه صغيره الصبح .. بعدها شربه صغيره الظهر وبعدها العصر والليل

واهمشي قبل النوم
اماعن التدليك فخذي في كف يدك مقدار من الكوب ويفضل بعد نقعه وضعه في زجاجه
والاخذ من الزجاجه مقدار الكف ووضعه على الثدي وتدليعه ..
ثم الثدي الاخر والتدليك

لمده خمس دقائق مرتين في اليوم
اهمشي قبل النوم مع عدم لبس السنتيانات

هذا الي انا فهمته:

المقادير:

ملعقة كبيرة من عشبة المرمية

كوب و نصف ماء دافئ

الطريقة:

ينقع مقدار العشبة في الماء الدافئ لمدة 4 ساعات و يحفظ في زجاجة.

الاستخدام:

نقسم المنقوع إلى قسمين، قسم لتدليك الصدر به، و قسم نشرب منه يوميا 4 جرعات خلال اسبوع.

ناخذ قطرات صغيرة و نضعا على راحة اليد للتدليك لمدة خمس دقائق، طريقة تدليك الصدر تتم بحركات دائرية على سطح الجلد، و تمرير الكف على كامل الصدر من الخارج للداخل، يفضل الابتعاد عن لمس حلمة الثدي لأن كثرة الاحتكاك فيها يكبرها و يغمق لونها.

أما القسم اللي نشرب منه، مرة الصبح، مرة الظهر، و مرة العصر، و مرة قبل النوم في الليل.

و بعد اسبوع إن شاء الله، تحصلي على النتيجة المرجوة، مع الابتعاد تماما عن الصدرية (الستيان) خلال فترة العلاج هذي.
واهم شيء التدليك

بس ملاحظة االي فيها فقر دم لاتجربها لانها تقلل نسبه الحديد بالجسم

وبعد لو فيج دورة انسي اتريي لين تخلصين بعدين سويها

لانها تسبب فقر دم لو بايام الدوره او كثرتي اكثر عن اسبوع

قلت لكم اسبوع وبس وانا الحمدلله جربتها

مع اني جربتها اقل من اسبووووووع

يابت لي نتايج مرضيه كبر وانتفخ ويوم البس ستيان يطلع خط

وحتى ارتحت اللحين خفت العقده

واحس استوا مدورين الحمدلله

وقلت بجربها مره ثانيه عقب كم شهر ابغيه يكبر اكثر طماعه

لان اللحين يباله وقت تنشط الدوره الدمويه ولازم تاكلين اكل مفيد

وفي شيء ثاني اجربه يوم تسبحين رشي على صدرج ماي حار بعدين

بادر على طول حار بارد خلي صدرج يحمر من كثر تغيير موجه الماي

صدقيني ينفخ ويكبر وبعد لانه المسامات تتمدد وبعدين تنكمش مما يؤدي

الى التوسع حتى يقولون لاتشربين شيء حار وعقبه بارد لانه يكسر الضروس

لان يتمدد وينكمش ولاتلبسين ستيان بالبيت موووووول

وبيكبر ضعف صدرج باذن الله

وانا حبيت افيدكم السموحه على التطويل

وقولوا نتايجكم لو فادتكم وما ابغي منكم غير الدعاء

Rando Sahara